Manchester City ka fituar lehtësisht ndeshjen kundër Manchester United në kuadër të xhiros së 11-të në Premier League me rezultat 2-0.

Rezultati u zhbllokua qysh në minutën e 7-të kur Eric Bailly shënoi autogol për t’i dhënë epërsinë fillestar mysafirëve.

Edhe pse kishin rezultatin në favor të tyre, “Citizens” për asnjë moment nuk e ndalën sulmin gjatë pjesës së parë.

Ata arritën të dyfishojnë epërsinë në minutat shtesë të pjesës së parë përmes golit të Bernardo Silvas.

Në pjesën e dytë, u duk se “Djajtë e Kuq” rimorrën veten duke krijuar disa raste, por pavarësisht kësaj, mysafirët morrën sërish kontrollin e lojës duke vazhduar dominimin.

Edhe pse kishte raste shënimi gjatë pjesës së dytë, rezultati nuk ndryshoj dhe ndeshja u mbyll me rezultat 2-0 në të mirë të Manchester Cityt.

Pas kësaj fitore, City zë vendin e dytë në renditjen tabela me 23 pikë, ndërsa Man. United mbetet në vendin e pestë me 17 pikë./Arbresh.info